عبد الرحمن الرافعى ( القاهره ، 8 فبراير 1889 - القاهره ،3 ديسمبر 1966 )، مؤرخ و محامى و صحفى و سياسى مصرى اتولد فى القاهره و اتعلم فيها. دخل مدرسة الحقوق و أخد ليسانس الحقوق سنة 1908. اشتغل محامى و صحفى فى جورنال " اللواء ". ساهم فى مؤتمر بروكسيل (1910) و سافر روما مع محمد فريد عشان يحضروا مؤتمر روما (1911). كتب أول مؤلفاته " حقوق الشعب " ( 1912) و بعدين كتب " التعاون " (1914). اعتقل سنة 1915 وقت الحرب العالميه الأولى و افرج عنه بعدها بسنه. اشترك فى ثورة 1919 و انتخب نايب سنة 1923. نشر الجزء الأولانى من كتابه القيم " تاريخ الحركه القوميه فى مصر " (1929) و أرخ لثورة 23 يوليو 1952. كرمته الدوله المصريه بجايزتها التقديريه للعلوم الاجتماعيه سنة 1961.
ليست هناك تعليقات:
إرسال تعليق